ثورة حتي النصر
أه يا بلد فوتوشوب والقتل فيكي ديزاين
الحق اسمه خراب .. والثورجي خاين
لو حد بحقه طالب يقولوا عنه عنيف
والبلطجي لو هاجم بسلاحه يبقي شريف
اللي عالظلم ثائر بالميري يتحاكم
والظالم المجرم عايش .. وكأنه حاكم
الامن شايل ايده .. ويقول لك انفلات
ويقولوا لو بس تهدوا هانظبط الاقتصاد
عايزيننا بسرعة ننسي .. ونصالح الفساد
يعني المفروض نطاطي ونقبل بالهوان ؟
نقول دي ثورة كانت .. نرجع بقي لزمان ؟
دا اللي يبيع مصيره علشان رغيف العيش
مايستاهلش لقمه ولا حتي ليوم يعيش
اما الباشا اللي حاكم وفاكر إنه شديد
شال من دماغه خالص إن احنا شعب عنيد
والثورة لو حتي ضاعت فهي جابت جيل جديد
واهو زييه زي اللي قبله هانعمل له shift + delete
ليست هناك تعليقات:
إرسال تعليق