في هجاء أهل السياسة

في هجاء أهل السياسة


ياما قلنا وحكينا وعيدنا عن افعال ومواقف نتنة

في سياسة كلها تزييف علشان ناس تحكم وتقودنا

قال لك دي مصالح تتصالح والفاسد خبرته بتزيدنا

واللي بنشتم فيه ونهاجمه بكرة يكون زيته في دقيقنا

العلماني ده ملحد كافر بس وماله ما يبقي صديقنا

والاسلامي ده فكره تأخر لكن ممكن يبقي رفيقنا

يعني لا مباديء ولا كلمة باصصين بس لحتة تورتة

واللي بيرفض ديكتاتورية يقبلها لو خد فيها سلطة

لو مرة خالفوا مبادئهم هايقولوا دي مجرد غلطة

والجدعان في ميدان بيحاربوا وسايبينهم لكلاب الشرطة

دول رجالة بصف موحد وانتوا عيال وعقودكم فارطة
وفي يوم هاتموتوا في كراسيكم وهم بثورة قلوبهم نابضة